ಒಲವಿನ ಬೇಗೆ

ನುಡಿಯುತಿದೆ ನಿನ್ನ ಪ್ರೀತಿಯ ಘಂಟೆ
ನನ್ನ ಹೃದಯದ ಮಂಟಪದಲಿ,
ಹೊಸದೇನೋ ಕೇಳಬಯಸಿದೆ ನನ್ನ ಮನಸ್ಸು
ನಿನ್ನ ನೋಡಿದ ಘಳಿಗೆಯಲಿ .

ನಿನ್ನ ನೋಡಿದ ಕ್ಷಣದಿಂದ
ಪ್ರತಿಯೊಂದು ಹೊಸದೆನಿಸಿದೆ ,
ಈ ನನ್ನ ಮನಸಿನ ಪುಟದಲಿ
ನಿನ್ನ ಹೆಸರೇ ಬರೆಯಬೇಕೆನಿಸಿದೆ

ನನ್ನ ಒಲವಿನ ಉಡುಗರೆಯು
ನಿನ್ನ ಒಪ್ಪಿಗೆಯನ್ನು ಕಾಯುತ್ತಿದೆ ,
ನಿನ್ನ ಪ್ರೀತಿಯ ಹಣತೆ
ಹಚ್ಚಬಾರದೆ ಗೆಳತಿ ನನ್ನ ಎದೆಯಲಿ .

ಮಿಡಿಯುತಿದೆ ನನ್ನ ಮನಸ್ಸು
ನಿನ್ನ ಪ್ರೀತಿಯ ಅಪ್ಪುಗೆಗೆ ,
ನೀನೆಂದು ನೀಡುವೆ ತಂಪು
ನಿನ್ನಿಂದ ಆದ ಈ ಒಲವಿನ ಬೇಗೆಗೆ .