ಗೆಳೆತನ

ಮೊದಮೊದಲು ಕೇಳಿದ ಆ ದ್ವನಿಯು ಮೀಟೀತು ನನ್ನೆದೆಯಲಿ ,

ಸಹಜವಾಗೇ ಸ್ಪಂದಿಸಿತು ನನ್ನೀ ಮನಸ್ಸು ನಿನ್ನೆಡೆಯಲಿ,

ಮತ್ತೆ ಮತ್ತೆ ಕೇಳಬೇಕೆನಿಸಿತು ನಿನ್ನ ಮಾತಿನ ದಾಟಿಯನ್ನು,

ಎಬ್ಬಿಸಿತು ನನ್ನಲೊಂದು ಆಶಾಕಿರಣದ ಅಲೆಯನ್ನು.

ನೀ ಮಾತನಾಡಿದರೆ ಸಾಕೆಂಬ ಭಾವ ಮೂಡಿತು ಮನದಲಿ,

ನೋಡ ನೋಡುತ್ತಲೇ ಕಳೆದೋದೆ ನಿನ್ನ ಗೆಳೆತನದ ಬೆಸುಗೆಯಲಿ ,

ಮಾತು ಬೆಳ್ಳಿ ಮೌನ ಬಂಗಾರವಾಯ್ತು ನನ್ನ ಮಾತು ನಿನ್ನೆದುರಲಿ ,

ಆಧ್ಯೆಗೆ ಬಂಧಿಸಿರುವೆ ನನ್ನ ನೀ ,ನಿನ್ನ ಮಧುರವಾದ ಮಾತಿನಲಿ .

ಹತ್ತದೆ ವಿಧಿಯಿಲ್ಲವಾಯ್ತು ನೀನಿಟ್ಟ ಮಾತಿನ ಏಣಿಯಲಿ ,

ನಿಮಿಷ ಮಾತ್ರದಲ್ಲೇ ನನ್ನ ಕೂರಿಸಿದೆ ನಿನ್ನೆದೆಯ ಗೂಡಿನಲ್ಲಿ,

ಸಿಕ್ಕಿತೊಂದು ಮಧುರವಾದ ಅನುಭವ ನಿನ್ನಿ ಗೆಳೆತನದಲಿ,

ನನ್ನನೇ ನಾ ಮರೆಯುತಿರುವೆ ನಿನ್ನಿ ಸಂಗದಲಿ ,

ಏನೆಂದು ಬಣ್ಣಿಸಲಿ ಈ ಗೆಳೆತನದ ಸೊಬಗನ್ನ  ,

ಇಲ್ಲಿ ಹಂಚಿಕೊಳ್ಳಬಹುದು ನನ್ನ ನೋವು ನಲಿವಿನ ಪ್ರತಿಯೊಂದು ಸುಖವನ್ನ ,

ಬಾರದಿರಲಿ ಎಂದೆಂದೂ ನಮ್ಮಿಬ್ಬರ ಸ್ನೇಹಕ್ಕೆ ಬರ ,

ಎಂದೆಂದೂ ನಾನಿರುವೇನು ಇಳಿಸಲು ನಿನ್ನ ಮನದಲ್ಲಿನ ಭಾರ .

ಯಾರಿಗೇನು ಕಮ್ಮಿ ಇಲ್ಲ ನಮ್ಮಿಬ್ಬರ ಈ ಗೆಳೆತನ ,

ಸಾರೋಣ ಇಡೀ ಜಗತ್ತಿಗೆ ಈ ಗೆಳೆತನದ ಸಾರ.

ಇದೊಂದೇ ಅಲ್ಲವೇ ನೊಂದ ಮನಕ್ಕೆ ನೀರೆರೆಯುವ ಅಮೃತ ಸಿಂಚನ.

ಇದೆ ಅಲ್ಲವೇ ದೇವರು ನಮಗೆ ಕೊಟ್ಟ ಅದ್ಭುತವಾದ ವರ .

     *ಸಚ್ಚಿ*

Copy rights reserved ;)