ಬಾಲ್ಯದ ನೆನಪು

ಅಮ್ಮ ನಿನ್ನ ಮಡಿಲಲ್ಲಿ ಮತ್ತೊಮ್ಮೆ ಮಗುವಾಗುವಾಸೆ,
ಸಾಕಾಗಿದೆ ಈ ಜಂಜಾಟದ ಬದುಕು ಮತ್ತೊಮ್ಮೆ ನನ್ನ
ಬಾಲ್ಯಕ್ಕೆ ಮರಳುವಾಸೆ,
ನಿಷ್ಕಲ್ಮಶಾವಾದ ಆ ವಯಸ್ಸು,ಯಾರಿಗೂ ನೋಯಿಸದ ಆ ಮನಸ್ಸು
ಮತ್ತೊಮ್ಮೆ ಪಡೆಯುವಾಸೆ
ಮಣ್ಣಿನಲ್ಲಾಡುತ್ತಿದ್ದ ದಿನಗಳು,ಸಮಯಕ್ಕೆ ಬೆಲೆಯೇ ಇಲ್ಲದ
ಆ ಕ್ಷಣಗಳಿಗೆ ಮತ್ತೊಮ್ಮೆ ಹೋಗುವಾಸೆ ,
ನಾಳೆಯ ಚಿಂತೆಯೇ ಇಲ್ಲದೇ,ನಿನ್ನೆಯ ಕೊರಗಿಲ್ಲದೇ ನಲಿಯುತ್ತಿದ್ದ
ದಿನಗಳಿಗೆ ಮತ್ತೊಮ್ಮೆ ಜಿಗಿಯುವಾಸೆ,

ಪ್ರೀತಿಯೇ ಗೊತ್ತಿರದ ಆ ಮನಸ್ಸು,ಸದಾ ಸ್ನೇಹಿತರೊಂದಿಗೆ ಆಡುತ್ತಿದ್ದ
ಆ ವಯಸ್ಸು ಮಾತೊಮ್ಮೆ ಹೊಂದುವಾಸೆ,
ರಾತ್ರಿಯ ಗುಮ್ಮನಿಗೆ ಹೆದರಿ ,ಅಮ್ಮನನ್ನು ಅಪ್ಪಿ ಮಲಗುತ್ತಿದ್ದ
ಆ ಭಯವನ್ನು ಮತ್ತೊಮ್ಮೆ ಕಾಣುವಾಸೆ,
ಸಣ್ಣ ಸಣ್ಣ ವಸ್ತುಗಳಿಗೆ ಹೊಡೆದಾಡುತ್ತಾ,ಮತ್ತೆ ಒಂದಾಗಿ ಆಡುತ್ತಿದ್ದ
ಆ ಆಟವನ್ನು ಮತ್ತೊಮ್ಮೆ ಆಡುವಾಸೆ,
ಎಷ್ಟೊಂದು ಮಧುರವಲ್ಲವೇ ಆ ಬಾಲ್ಯದ ದಿನಗಳು
ಮತ್ತೊಮ್ಮೆ ಮಗುವಾಗಿ ಹುಟ್ಟಿ ನನ್ನ ಅಮ್ಮನ ತೋಳಿನಲ್ಲಿ
ಮಲಗೂವಾಸೆ ,