ನಿನ್ನದೇ ಬಿಂಬ

ತಿರುಗಿ ಹೋಗುವ ಮುನ್ನ ನನ್ನ ಕಣ್ಣನ್ನು ಒಮ್ಮೆ ನೋಡು
ನನ್ನ ನಯನದಲ್ಲೇ ಕಾಣುವೆ ನಿನ್ನ ನಾ ನೋಡುವ ತವಕ
ಕನಸಂತೆ ನನ್ನ ಬಾಳಲ್ಲಿ ಬಂದವಳು ನೀನು
ಈ ಕನಸ ನನಸ ಮಾಡದೇ ಹೋಗಬೇಕೆನ್ದಿರುವವಳು ನೀನು  :)

ನನ್ನ ಬದುಕಿನ ಪ್ರತಿಯೊಂದು ಕ್ಷಣವೂ ನೀನೆ ಆಗಿರುವೆ
ನೀ ಬಂದೆ ಬರುವೆ ಎಂದು ನೂರಾರು ಕನಸ ಕಟ್ಟಿರುವೆ
ಈ ನನ್ನ ಕನಸಿನ ಕೋಟೆಯಲ್ಲೂ ನೀನೆ ಕಾಣುತ್ತಿರುವೆ
ನಿನ್ನ  ಕಾಯುವುದರಲ್ಲೂ ಅದೇನೋ ಸುಖವಿದೆ :)

ನನ್ನ ಬದುಕಿನ ಕನ್ನಡಿಯಲಿ ನಿನ್ನದೇ ಬಿಂಬವಿದೆ ,
ದಯವಿಟ್ಟು ಒಡೆಯದೆ ಹೋಗದಿರು ಈ ನನ್ನ ಒಲವನ್ನ
ಮಿಡಿಯುತಿದೆ ನನ್ನ ಹೃದಯ ನಿನ್ನ ಒಂದು ಆ ಕಣ್ ಸನ್ನೆಗೆ
ನೀ ನನ್ನ ಬಾಳಲ್ಲಿ ಬಂದರು ಬರದೆ ಇದ್ದರು, ಸುಖವಾಗಿರು
ನಿನೆಲ್ಲೇ ಇದ್ದರು, ಇದೊಂದೇ ಪ್ರಾರ್ಥನೆ ಆ ನನ್ನ  ದೇವರಿಗೆ :)

ಒಲವಿನ ಬೇಗೆ

ನುಡಿಯುತಿದೆ ನಿನ್ನ ಪ್ರೀತಿಯ ಘಂಟೆ
ನನ್ನ ಹೃದಯದ ಮಂಟಪದಲಿ,
ಹೊಸದೇನೋ ಕೇಳಬಯಸಿದೆ ನನ್ನ ಮನಸ್ಸು
ನಿನ್ನ ನೋಡಿದ ಘಳಿಗೆಯಲಿ .

ನಿನ್ನ ನೋಡಿದ ಕ್ಷಣದಿಂದ
ಪ್ರತಿಯೊಂದು ಹೊಸದೆನಿಸಿದೆ ,
ಈ ನನ್ನ ಮನಸಿನ ಪುಟದಲಿ
ನಿನ್ನ ಹೆಸರೇ ಬರೆಯಬೇಕೆನಿಸಿದೆ

ನನ್ನ ಒಲವಿನ ಉಡುಗರೆಯು
ನಿನ್ನ ಒಪ್ಪಿಗೆಯನ್ನು ಕಾಯುತ್ತಿದೆ ,
ನಿನ್ನ ಪ್ರೀತಿಯ ಹಣತೆ
ಹಚ್ಚಬಾರದೆ ಗೆಳತಿ ನನ್ನ ಎದೆಯಲಿ .

ಮಿಡಿಯುತಿದೆ ನನ್ನ ಮನಸ್ಸು
ನಿನ್ನ ಪ್ರೀತಿಯ ಅಪ್ಪುಗೆಗೆ ,
ನೀನೆಂದು ನೀಡುವೆ ತಂಪು
ನಿನ್ನಿಂದ ಆದ ಈ ಒಲವಿನ ಬೇಗೆಗೆ .

My poem

ನಿನ್ನ ಪ್ರೀತಿಯ ನದಿಗೆ

ನಾನಾಗುವೆ ಕಡಲು ,

ನಿನ್ನ ಮಧುರವಾದ ಸ್ನೇಹಕ್ಕೆ

ನಾನಾಗುವೆ ತಡೆ ಇಲ್ಲದ ಮುಗಿಲು ,

ನಿನ್ನ ಹೃದಯದ ನೋವಿಗೆ

ನಾ ತುಂಬುವೆ ಸಂತಸದ ಹೊನಲು , 

ನಿನ್ನ ಮನಸಿನ ಮೌನದ ಮಾತಿಗೆ 

ನಾನಾಗುವೆ ಸವಿನುಡಿಯು.

ನಿನ್ನ ಮನಸಿನ ಭಾವಗಳನ್ನು 

ನಾ ಮಾಡುವೆ ನನಸು ,

ನಿನ್ನ ಬಾಳಿನ ಪ್ರತಿ ಹೆಜ್ಜೆಗೂ 

ನಾನಾಗುವೆ ನೆರಳು .

ಎಚ್ಚರ

ಮನದ ಹಿಂದಿರುವ ಮಾತನ್ನು ನೀ ಹೇಗೆ ತಿಳಿಯುವೆ ,
ನಗೆಯ ಹಿಂದಿನ ಅಳುವನ್ನು ನೀ ಹೇಗೆ ಅರಿಯುವೆ ,
ನನ್ನೆದೆಯ ಒಳಗಿನ ತಳಮಳ ನೀ ಹೇಗೆ ಸವಿಯುವೆ ,
ಈ ತರದ ವೇದನೆಯ ಉಣಿಸಬೇಡ ನನ್ನೆದೆಯಲ್ಲಿ ,
ನನ್ನಿರುವೆಕೆಯೇ ನಿನಗೆ ಭಾರವಾದಿತು ಎಚ್ಚರ !

ಕರಿಮುಗಿಲಂತೆ ನೋವುಗಳೇ ನನ್ನೆದೆಯಲಿ ಅಡಗಿರುವುದು,
ಮಳೆಯೆಂಬ ಅಳು ಬರದೇ ಮನಸ್ಸು ತುಂಬಾ ಭಾರವಾಗಿದೆ ,
ನನ್ನೆದೆಯ ನೋವಿನ ಕೊಳವು ಎಂದೋ ತುಂಬಾಗಿದೆ,
ಸಣ್ಣ ಹೂ ಎಸೆದರು ನೋವು ತುಳುಕಿತು ಎಚ್ಚರ !

ಕನಸಿನ ತೆರೆಯನ್ನು ಸರಿಸಿ ,ವಾಸ್ತವ ಸ್ಥಿತಿಯ ನೀನೊಮ್ಮೆ ನೋಡು ,
ನಿನಗಾಗಿ ನಾನಿಂದು ಕಂಬನಿಯ ಮಿಡಿಯುತ್ತಿರುವೆ ,
ನನ್ನ ನೋವಿನ ಹಿಂದಿನ ಕಥೆಯ ತಿಳಿಯದೆ ನೀ ಸುಖವಾಗಿರು ,
ನನ್ನ ನೋವು ತಿಳಿಯಲು ಹೋಗಿ ನಿನ್ನ ನೋವೆ ಹೆಚ್ಚಾದಿತು ಎಚ್ಚರ !